Si pasojë e një sherri për motive të dobëta kanë ngelur të plagosur 2 persona në Pogradec.
Disa të rinj janë konfliktuar me njëri-tjetrin, dy prej tyre kanë rrahur dy të tjerë duke përdorur si armë të ftohtë shkop bejsbolli.
Të plagosurit pasi morën mjekimin e duhur janë jashtë rrezikut për jetën.
Njoftimi i policisë;
DVP Korçë/Procedohen në gjendje të lirë 2 shtetas për veprën penale të dhunës fizike
Specialistët për Hetimin e Krimeve të Komisariatit të Policisë Pogradec referuan materialet në Prokurori ku filloi procedimi në gjendje të lirë për shtetasit E. Ç., 34 vjeç dhe E. A., 34 vjeç, banues në Pogradec, pasi në lagjen nr. 2, Pogradec, dyshohet se kanë goditur me mjet të fortë, një 31-vjeçar dhe një 38-vjeçar, banues në Pogradec, të cilët ndodhen jashtë rrezikut për jetën. Në cilësinë e provës materiale u sekuestrua mjeti i fortë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
