PS-PD ranë në dakortësi për një kod të ri zgjedhor, ku lajmi i mirë është vota e emigrantëve.
Pika më e vështirë për konsensus ishte: si do të fitojë një deputet mandatin? Dakordësia është: 1/3 e listës e mbyllur dhe 2/3 e hapur.
Kjo do të thotë se partitë do të dorëzojnë në KQZ dy lista. Listën e të preferuarve, që do të jenë të mbrojtur në listën e mbyllur dhe listën e hapur, ku do të zhvillohet një garë pa herës.
Marrim për shembull qarkun Korçë, i cili zyrtarisht ka 11 mandate
Partitë do të dorëzojnë në KQZ, listën e mbyllur me 4 emra, ku do të donte çdo kandidat të ishte, sepse është e sigurt, nuk rrezikon, nuk i nënshtrohet votës preferenciale, dhe këta fitojnë mandat të parët – dhe listën e dytë me 7 emrat e tjerë të cilët do të luftojnë kokë më kokë për çdo votë të mundshme.
Doni ta kuptoni më thjeshtë? – Marrim shembullin e Partisë Demokratike në Korçë.
Ajo do të dorëzojë 11 emra për kandidat për deputet. 1/3 e këtyre emrave do të jenë të sigurte, nqs arrihet shifra e votave që kërkohet
Pra, 4 deputetët e parë janë brenda listës preferenciale dhe 7 të tjerët do të garojnë me njëri tjetrin kush arrin të marrë më tepër vota.
Më e thjeshtëzuar, nqs në fund të zgjedhjeve Partia Demokratike siguron votat për 5 mandate, 4 emrat e parë do të jenë automatikisht deputetë. Deputeti i fundit do të dalë nga gara se kush prej 7 kandidatëve ka marrë me tepër vota
Kjo pritet të nxitë luftën brenda partive politike dhe të konkretizojë fuqinë e çdo kandidati për deputet
Si ju duket?
