Mbyllet në Korçë festivali mbarëkombëtar i komedisë
Shfaqja e fundit e këtij festivali ka qenë “Borgjezi Fisnik” vepër e Molerit, vënë në skenë me regji të Driada Dervishit, shfaqje që ka pasur për aktor kryesor Gentjan Zenelajn, i cili është vlerësuar me çmimin e publikut.
Në fund të festivalit juria e përbërë nga figurat më të njohura të filmit dhe teatrit shqiptar ka vlerësuar si shfaqjen me të mirë “Nata e Dymbëdhjetë” të Shekspirit, vënë në skenë nga regjisori grek Dhimitris Milonas. Për aktoren Zamira Kita kjo shfaqje ka qenë një sipërmarrje e madhe e regjisorit grek dhe e gjithë trupës së teatrit të Korçës, ku janë dashur me shume se dy muaj për ta sjellë në skenë.
Aktori kosovar Bujar Ahmeti dhe Olta Daku janë vlerësuar si aktorët më të mirë në rolet kryesore. Olta Daku megjithëse ka fituar e çmime të tjera në KokoFest, ky çmim duket se për të ka qenë krejt i veçantë.
Regjia më e mirë e këtij festivali ka shkuar për Erion Isian, i cili merr për hetë të parë një çmim të mirë.
Festivali i 10 i KokoFest ka ngjitur në skenën e teatrit “Andon Zako Çajupi” 8 trupa të cilat vinin nga Tirana, Durrësi, Korça, Maqedonia e Veriut dhe Kosova, trupa të cilët për 8 ditë më radhë kanë sjellë për artdashësit korçarë 8 shfaqje të autorëve të njohur botërore por dhe ato shqiptarë.
