Kolonja dhe kolonjarët janë të vendosur që të zhvillojnë edhe më tej turizmin. Krahas shumë bujtinave të ngritura në zona të ndryshme një tjetër po merr jetë në Starje pranë Gramozit. Kryebashkiaku Erion Isai ka bërë me dije se ky është një investim agroturistik i mbështetur nga fondet e BE dhe së shpejti do jetë një tjetër zonë mjaft e vizituar nga vendasit dhe të huajt. Shtëpitë të llojut alpine që po ndërtohen bashkë me shërbimin janë një formë që tregojnë se agroturizmi në këtë zonë po ecën me hapa europianë.
Isai:
Një super hapësirë po i vjen Kolonjës. Një bujttinë sharmante në shpat të Gramozit në Starje!
Turizmi është porta e madhe e kësaj krahine që vetëm këtë vit është rritur 2,5 herë nga viti i kaluar. Falë mbështetjes se fondeve të BE Armandi dhe familja e vet po na shton një mrekulli në “gjoks” të Gramozit; Starje!
