Specialistët për Hetimin e Krimeve në Komisariatin e Policisë Korçë kanë proceduar penalisht dy shtetas të dyshuar për veprime të dhunshme dhe konflikte për motive të dobëta.
Shtetasi K. M., 40 vjeç, banues në Korçë, dyshohet se ka dëmtuar xhamat e banesës së një 35-vjeçari dhe e ka kanosur atë me fjalë.
Gjithashtu, një 16-vjeçar po procedohet pasi dyshohet se ka goditur me grushte një 36-vjeçar gjatë një konflikti.
Materialet procedurale për këto raste janë referuar në Prokurorinë pranë Gjykatës së Shkallës së Parë të Juridiksionit të Përgjithshëm Korçë, ndërsa hetimet vijojnë për sqarimin e plotë të rrethanave të ngjarjeve.
