Shërbimi i Epidemiologjisë dhe Shëndetit Mjedisor ka zhvilluar kontrolle përgjatë gjithë vijës bregliqenore Lin-Tushemisht, në kuadër të përgatitjeve për sezonin turistik veror 2025.
Inspektimet janë kryer në bare, restorante, hotele dhe pishina, me qëllim sigurimin e standardeve të higjienës dhe mbrojtjes së shëndetit publik. Kontrollet kanë përfshirë verifikimin e kushteve higjeno-sanitare të ambienteve ku punohet dhe shërbehet, si dhe kontrollin e dokumentacionit shëndetësor të punonjësve.
Gjithashtu, janë marrë mostra të vajit të përdorur për profilaksi, si edhe mostra të akullores dhe kubave të akullit për analiza bakterologjike dhe fiziko-kimike. Për të garantuar sigurinë ushqimore dhe sanitare, janë marrë mostra nga duart e punonjësve dhe nga enët për të vlerësuar ngarkesën mikrobike, si dhe mostra të ujit të pishinave për analiza bakterologjike dhe fiziko-kimike.
Shërbimi i Epidemiologjisë dhe Shëndetit Mjedisor siguron se këto kontrolle do të vijojnë gjatë gjithë sezonit, me qëllim ofrimin e një turizmi të sigurt dhe mbrojtjen e shëndetit të qytetarëve dhe vizitorëve.
