Rreth 8 milion rasat Korani janë hedhur në 5 vitet e fundit në ujërat e liqenit të Pogradecit. Një pasurim i tillë i liqenit arrihet falë inkubatorit të rritjes së rasatit në Lin të Pogradecit. Ky inkubator është i vetmi në pellgun e liqenit të Ohrit i cili është funksional. Prej po kaq vitesh pala maqedonase nuk bën pasurim të liqenit me asnjë lloj specie peshku. Nga ana tjetër kryetari i bashkisë Pogradec Ilir Xhakolli bën me dije se së shpejti do të zbatohen disa projekte të tjetra që synojnë mbrojtjen e ujërave të liqenit të Pogradecit, ndërtimin e moleve për peshkatarët deri në ndërtimin e markates se peshkut për tregtarët.
E dini se vetëm në 4-5 vitet e fundit në Liqenin e Pogradecit hidhen çdo vit mbi 1.5 milionë rasatë Korani? E gjithë kjo punë kolosale për pasurimin e liqenit arrihet falë inkubatorit më modern për rritjen e rasatit koran në Lin, mirëmenaxhimit të liqenit nga Inspektoriati dhe OMP, por edhe ndërgjegjësimit të vetë peshkatarëve për të mos gjuajtur në masë në mënyrë të paligjshme. Çdo sezon nga peshkatarët grumbullohen rreth 2 milionë vezë korani nga të cilat mbi 1.5 milion arrijnë të çelin dhe pasurojnë Liqenin. Me këtë punë mund të themi se specia endemike e Koranit nuk është më një specie në zhdukje.
4 vitet e ardhshme kemi synim jo vetëm të rritim edhe më shumë sasinë e rasatit, por kemi edhe projekte konkrete për të vazhduar punën e ruajtjes së liqenit, ndërtimin e moleve për peshkatarët si edhe markatës së peshkut tek tregu i ri i qytetit.
