Në një hap të rëndësishëm drejt forcimit të bashkëpunimit ndërinstitucional, Bashkia e Korçës dhe Komuna e Preshevës kanë nënshkruar marrëveshjen e binjakëzimit. Ceremonia u zhvillua në Preshevë dhe shënon fillimin e një partneriteti të ri në fusha me interes të përbashkët si arsimi, kultura, sporti dhe zhvillimi ekonomik.
Përfaqësues të lartë të të dy institucioneve ishin të pranishëm në këtë moment të veçantë, ku u theksua rëndësia e shkëmbimeve të ndërsjella dhe projekteve të përbashkëta për rritjen e bashkëpunimit rajonal.
Një falënderim i veçantë iu drejtua Ambasadës së Shqipërisë në Beograd për mbështetjen dhe kontributin në realizimin e kësaj marrëveshjeje.
Ky është vetëm fillimi i një partneriteti të frytshëm që synon të afrojë më shumë komunitetet përmes vlerave të përbashkëta dhe objektivave të qarta zhvillimi.
