Binjakëzim dhe bashkëpunim në fusha të ndryshme kryesisht në turizëm art dhe kulturë por edhe arsim ka qënë në thelb të takimit të zhvilluar këtë të mërkurë mes Komunës së Preshevës dhe Bashkisë Korçë.
Për kryetaren e Komunës së Preshevës, Ardita Sinani, Korça shihet si një bashki që ka një eksperiencë të madhe në ndërtimin e projekteve në drejtim të turizmit dhe artit, ndaj edhe për këtë është zgjedhur ky bashkëpunim.
Por padyshim që pjesë e këtij bashkëpunimi ka qënë edhe fusha e Arsimit për ti dhënë mundësinë të rinjve kosovarë për të ndjekur studimet në Korçë për shkak të njohjes së diplomës edhe nga shteti serb.
Nga ana tjetër kryetari i bashkisë Korçë Sotiraq Filo u shpreh i hapur për bashkëpunime të tilla teksa përmendi shkëmbimin e eksperiencave edhe në fusha të ndryshme.
Pas takimit, Filo shoqëroi delegacionin kosovar në disa vizita në pikat më të rëndësishme turistike dhe kulturore të bashkisë Korçë duke i njohur më shumë me potencialin që Korça ka në këtë fushë.
