Ka nisur tashmë funksionimi qendra më e madhe e turizmit në rajon, ajo është e vendosur në godinën e ish maternitetit të Korçës dhe është planifikuar të jetë shkolla më e madhe që do të nxjerrë ide, platforma, strategji dhe specialistë të turizmit.
Kjo qendër për të gjjthë të rinjtë, vajza dhe djem që do të regjistrohen për të mësuar, atje jep mundësi të pafundme për të mësuar rreth turizmit, por do të shërbejë edhe si një vend pune për ta.
Aty ata do të mësojnë, shërbejnë dhe do të marrin rrogë. Po po, qendra është ideuar të funksionojë edhe si një bar-restorant-hotel 100% shtetëror. Të gjithë ata që zgjedhin Korçën tashmë kanë një alternativë të shtuar, pasi jovetëm pushojnë, por pagesa që do të kryejnë për të qëndruar aty shkon tërësisht për paga, mirëmbajtje dhe zhvillimin e strategjive të turizmit.
Qendra e cila menaxhohet nga Fondi Shqiptar i Zhvillimit do të jetë me vetëfinancim dhe si e tillë është me pagesë për klientët.
Kjo është një mënyrë fantasitke për të rinjtë pasi zhvillojnë aftësitë e tyre por edhe paguhen, sigurisht që në të ardhmen nuk do të mungojnë edhe financimet për projekte me karakter rinor e turistik.
Modeli i parë i një qendre të tillë vjen nga Korça, sepse Korça ka treguar këtë 10 vjeçar që lamë pas se është modeli më i suksesshëm se si mund të zhvillohet turizmi apo agroturizmi dhe tashmë është koha që Korça të mos i mbajë më për vete idetë dhe strategjitë por ti kalojë ato tek të rinjtë e çdo qyteti.
Korça gjithmonë i ka lënë shoqet pas në çdo fushë, ashtu si në çdo kohë ka qenë e gatshme të ofrojë mundësi të pafundme për të rinjtë pas teknologjisë tashmë edhe në turizëm.
Zgjidh Korçën, zgjidh qendrën e turizmit, aty do të mësosh, punosh dhe paguhesh, në fund do jesh një menaxher i shkëlqyer paketash turistike.
