LUMINA Electronic Festival Sjell Burak Yeter dhe Alex Guesta në Korçë
Korça po bëhet gati për një tjetër festival të veçantë duke mirëpritur DJ-të më të famshëm nga e gjithë bota.
Edicioni i parë i LUMINA Electronic Festival premton të sjellë një përvojë të paharrueshme në Parkun Rinia, i cili do të transformohet në një skenë magjike të ndriçuar nga dritat dhe projeksionet spektakolare.
Këtë korrik, Korça do të mirëpresë dy nga emrat më të mëdhenj të muzikës elektronike botërore, BURAK YETER dhe ALEX GUESTA. Këta DJ të famshëm do të performojnë në skenën e LUMINA Electronic Festival, së bashku me shumë artistë të tjerë të njohur, duke ofruar një spektakël muzikor të papërsëritshëm.
Ngjarja do të mbahet më 19 dhe 20 korrik, dhe Parku Rinia do të kthehet në një arenë elektrizuese, ku muzika, dritat dhe energjia do të kombinohen për të krijuar një atmosferë unike. Festivali synon të ofrojë një platformë për DJ të njohur nga vendi dhe bota për të ndarë talentin e tyre me publikun shqiptar.
