Në foto Karnavalet korçare në Massachusetts, viti 1928.
Ky grup u formua nga Gjergji Ziko (ulur në qendër), një shqiptar nga Korça i cili emigroi në SHBA në vitin 1912 në moshën 13 vjeçare. Bashkë me vëllezërit formoi një grup muzikantësh amatorë të cilin performonin këngë shqiptare për bashkëatdhetarët që jetonin në SHBA asokohe, sidomos në vitet e të ashtuquajturit Depresioni i Madh, 1929-1933.
Profesioni i tij ishte ai i mekanikut të automjeteve të cilin e ushtroi në garazhin Archies që ndodhej në Washington Avenue. Më vonë ai hapi një dyqan për riparimin dhe shitjen e gomave në Court Street dhe rreth vitit 1935 hapi një dyqan furnizimi me pjesë makinash në Uashington Street, një biznes të cilin e ushtroi deri në vitin 1970.
Arkivi i Bibliotekës “Joseph P. Healey”, Universiteti i Massachusetts.
