Ledina prezanton pikat kryesore të programit “Korça në duart e qytetarit”. Nën këtë slogan kandidatja pretendon të kalojë pushtetin në duart e qytetarit. Aja ka krijuar tashmë bazat, organikën dhe vazhdimësinë e punës.
“Në 16 vite pushteti të Rilindjes ju jeni mësuar me politikanë që bëjnë fushatë me premtime të mëdha dhe slogane bombastike. Ndoshta për këtë shkak, një pjesë nga prej jush ju duket si fraza e radhës.Sot dua t’ju dëshmoj se slogani im nuk është një frazë boshe, që merr fund kur mbaron fushata elektorale. Për këtë kam ideuar një shpërndarje të pushtetit, duke kaluar nga zyrat pompoze dhe distante të institucioneve në duart tuaja,“-ka thënë Ledina.
NËNKRYETAR PËR RININË
Pika kryesore ku do të mbështetet Ledina dhe stafi i saj në qeverisjen e qytetit. Pa një Rini që merr në duar politikat e të ardhmes së qytetit nuk mund të kemi një Korçë moderne.
NËNKRYETAR PËR ARSIMIN SPORTET DHE KULTURËN
Arsimi, sporti dhe kultura janë pika kyçe të qytetit. Në të gjitha këto fusha, Korça ka qenë e njohur dhe i kanë dhënë zë qytetit. Korça duhet të bëhet qendër e arsimit, siç e meriton, pasi ka akoma më shumë për të treguar dhe vlerësuar.
NËNKRYETAR PËR TURIZMIN, INFRASTRUKTURËN DHE TRASHËGIMINË
Turizmi është një prej themeleve të së ardhmes në Korçë që meriton ndryshim dhe rinovim. Kapacitet e turizmit kulinar, kulturor dhe kreativ janë të lidhura me trashëgiminë e saj kulturore dhe natyrore, infrastrukturën dhe logjistikën.
NËNKRYETAR PËR FSHATIN, AGRIKULTURËN DHE MBROJTJEN E KONSUMATORIT
Prodhimet “Made in Korca” janë të famshme, kryesisht kulturat frutore. Fshati dhe bujqësia vazhdojnë të jenë jo në pararojë por në prapavijë, ndaj programi jonë do i konsiderojë si prioritete absolute të bashkisë.
Ledina Alolli po punon intesivisht me skuadrën e saj, jo vetëm duke prezantuar programin e saj por edhe duke kërkuar votën e qytetarëve.
