Qyteti i Korçës do të mirëpresë edicionin e tretë të festës së përvitshme “Korça Serenights”, i cili do të zhvillohet gjatë katër netëve radhazi, nga data 17 deri më 20 shtator. Ky aktivitet do të mbledhë në kryeqendrën e juglindjes artdashës dhe vizitorë nga e gjithë Shqipëria e më gjerë, për të shijuar interpretime me muzikë live dhe atmosferën karakteristike të qytetit.
Programi i festivalit dhe transmetimi live
Agjenda e këtij aktiviteti do të përfshijë si çdo vit një sërë surprizash me muzikë, art dhe traditë, duke mbushur hapësirat e qytetit me zëra të mrekullueshëm dhe nostalgji. Edhe këtë vit, edicioni i tretë i festivalit të serenatave korçare do të transmetohet direkt në ekranin e CNA TV për të gjithë publikun.
Serenata korçare është tradita muzikore më e njohur e qytetit të Korçës, pjesë e identitetit kulturor të tij. Organizatorët synojnë që përmes këtyre 4 netëve të ofrojnë magjinë e këngës, kujtimeve dhe atmosferës unike që shoqëron gjithmonë ngjarjet kulturore në këtë qytet.
