Dhuna në familje kryesisht ndaj grave vazhdon të mbizotërojë lajmet e kronikës në Korçë. Në 24 orët e fundit policia ka proceduar penalisht dy shtetas të cilët rrihnin gratë e tyre, dy raste në Korçë dhe Kamenicë tregojnë se viktimat e dhunës në familje nuk mungojnë.
-Specialistët për Hetimin e Krimeve të Komisariatit të Policisë Korçë referuan materialet në Prokurori ku filloi procedimi penal në gjendje të lirë për shtetasit:
M. R., 27 vjeç, banues në Korçë, pasi dyshohet se ka ushtruar dhunë fizike ndaj bashkëshortes së tij, e cila u pajis me urdhër mbrojtjeje;
G. M., 41 vjeç, banues në fshatin Kamenicë, Korçë, pasi dyshohet se ka ushtruar dhunë fizike ndaj bashkëshortes së tij, e cila u pajis me urdhër mbrojtjeje.
