Stavri Shkurti do të vintë në jetë në gusht të vitit 1927 dhe shumë shpejt do të kthehej në personalitetet e artit shqiptar.
Stavri Shkurti ia doli që me talentin dhe pasionin e tij të vendosë yllin e tij artistik në kinematografinë shqiptare.
Fillimet e tij artistike janë që në vitin 1950, kohë kur u krijua teatri profesionist “Andon Zako Çajupi”, ai ishte një ndër aktorët e parë të këtij teatri. Ndërsa studimet e larta i mbaroi në Pragë (Çeki) për inxhinieri hidrologjike edhe pse me një profesion që nuk kishte lidhje me aktrimin, Stavri do të rikthehej në Teatrin “Andon Zako Çajupi”.
Në skenën e “Andon Zako Çajupi”., që drejtohej prej regjisorëve si Dhimitër Orgocka (Artist i Popullit), Fadil Kraja, Piro Mani (Artist i Popullit), Sokrat Mio (Artist i Popullit), Vangjo Grabocka (Artist i Merituar) Stavri do të interpretonte për 30 vjet role dhe personazhe që kanë mnetur të paharrueshëm publikun korçar, por edhe për atë mbarëshqiptar.
Mund të vecosh mjaft lehtë rolin e Karandeshit në dramën “Vajza pa prikë”, ose interpretimet në disa nga kryeveprat e dramaturgjisë botërore si “Pamje nga ura” e Artur Milerit dhe “Nata e dymbëdhjetë” e Shekspirit, ndërsa nga dramaturgjia shqiptare “Maro Mokra”.
Ai i dha kinematografisë shqiptare plot 40 role. I pari në filmin shqiptar, filmin “Tana” në vitin 1958.
Më tej roli i Besimit në filmin “Ilegalët” në vitin 1976, roli i Salës, sekretarit të Partisë në filmin “Zonja nga qyteti” në vitin 1976, për të cilin mori edhe komplimentet nga Enver Hoxha, roli i Zalo Kapllanit në filmin televiziv “Agimet e Stinës së Madhe” në vitin 1981, roli i Manol Gjinajt, përkthyesit në filmin “Asgjë nuk harrohet” në vitin 1985 etj. Roli i tij i fundit do të jetë roli i Fajdexhiut në filmin “Vitet e pritjes” në vitin 1990.
Për shkak të një sëmundje të rëndë që përfshiu trupin e tij, në vitin 1992 ai u largua nga skena shqiptare dhe u vendos në Selanik të Greqisë, aty ku pas 6 vjetësh zemra e tij do të ndalte së rrahuri. Përcjellja për në banesën e fudit iu bë në Korcë, nga qytetarët, miq dhe artdashës.
Për meritat e tij artistike Stavri Shkurti u nderua me titullin e lartë “Artist i Popullit”, si dhe me titullin “Qytetar Nderi” i Korçës, pas vdekjes.
Filmat ku ka luajtur:
1990 — “Vetmi” – Jani
1990 — “Fletë të bardha” (Film TV) – Andrea
1990 — “Jeta në duart e tjetrit” – Babai i Spiros
1989 — “Kush është vrasësi” – Thimi Dino
1989 — “Muri i gjallë” – Babai i Rozafës
1989 — “Vitet e pritjes” – Fajdexhiu
1988 — “Shkëlqimi i përkohshëm” – Vjehrri i Danes
1987 — “Botë e padukshme” – Inxhinier Ganiu
1987 — “Përsëri pranverë” – Sekretari
1987 — “Rrethi i kujtesës” – Profesor Ëeberi
1986 — “Dasmë e çuditshme” – Dalipi
1985 — “Asgjë nuk harrohet” – Manol Gjinaj, përkthyesi
1985 — “Të shoh në sy” (Film TV) – Drejtori
1984 — “Kush vdes në këmbë” – Doktori
1984 — “Lundrimi i parë” – Borak
1984 — “Vendimi” – Kiçua
1983 — “Një emër midis njerëzve” – Jani
1981 — “Agimet e stinës së madhe” (Film TV) – Zalo Kapllani
1981 — “Gjurmë në kaltërsi” – Mjeku
1981 — “Kërcënimi” – Drejtori
1981 — “Qortimet e vjeshtës” – Fotografi
1980 — “Një shoqe nga fshati” – Sala,sekretari i Partisë
1980 — “Partizani i vogël Velo” – Babai i Velos
1979 — “Mysafiri” – Mysafiri
1979 — “Ballë për ballë” – Shefi i Arkeologëve
1978 — “Gjeneral gramafoni” – Brahoja
1978 — “I treti” (Film TV) – Qazim Beluli
1978 — “Kur hidheshin themelet” (Film TV) – Zeneli
1978 — “Yjet mbi Drin” – Pertefi, inxhinieri
1977 — “Flamur në dallgë” (Film TV) – Urani
1977 — “Gunat mbi tela” – Mësuesi
1977 — “Njeriu me top” – Murat Shtaga
1976 — “Përballimi” – Tarja
1976 — “Zonja nga qyteti” – Sala, sekretari i Partisë
1976 — “Ilegalët” – Besimi
1975 — “Rrugicat që kërkonin diell” – Furrxhiu
1971 — “Mëngjeze lufte”
1968 — “Prita Ligori”
1965 — “Vitet e para” – Një nga vullnetarët në tharjen e kënetës
1958 – “Tana”
