Një ngjarje e rëndë është regjistruar pasditen e së dielës në qytetin e Korçës, ku një grua 48-vjeçare ka tentuar t’i japë fund jetës në banesën e saj.
Sipas njoftimit zyrtar nga Drejtoria Vendore e Policisë Korçë, shtetasja J. B., e cila mësohet se vuan nga depresioni, ka konsumuar një sasi të konsiderueshme medikamentesh me qëllim vetëvrasjeje.
Fatmirësisht, ndërhyrja në kohë e familjarëve dhe shërbimeve mjekësore ka bërë të mundur transportimin e saj në spital, ku aktualisht ndodhet jashtë rrezikut për jetën dhe po merr trajtimin e nevojshëm shëndetësor.
Grupi hetimor vijon punën për sqarimin e rrethanave të ngjarjes.
