Specialistët për Hetimin e Krimeve Ekonomike dhe Financiare në Drejtorinë Vendore të Policisë Korçë kanë ekzekutuar masën e sigurisë “Arrest në shtëpi” për shtetasin D. M., 50 vjeç, banues në Korçë.
Ai akuzohet për një sërë veprash penale që lidhen me aktivitetin e paligjshëm ekonomik dhe organizimin e lojërave të fatit, përkatësisht: “Punësimi i paligjshëm”, “Fshehja e të ardhurave”, “Mospagimi i taksave dhe tatimeve”, “Organizimi i lotarive të palejuara” dhe “Vënia në dispozicion e lokaleve për lojëra të palejuara”.
Materialet hetimore i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Korçë për veprime të mëtejshme procedurale.
