Strukturat e Policisë së Korçës kanë referuar një sërë ngjarjesh në Prokurori, duke nisur procedime penale për disa shtetas të dyshuar për vepra të ndryshme penale.
Komisariati i Policisë Korçë nisi procedimin penal ndaj shtetasit N. T., 46 vjeç, banues në Korçë, pasi dyshohet se ka kanosur me fjalë dy persona, për motive të dobëta.
Ndërkohë, në Pogradec, është proceduar penalisht dy 16-vjeçarë që dyshohet se kanë shpërndarë në rrjetet sociale foto të një vajze 16-vjeçare.
Specialistët për Hetimin e Krimeve të DVKM Korçë kanë referuar materialet për nisjen e procedimit penal ndaj shtetasve T. Z., 50 vjeç, banues në Pogradec; E. Ç., 22 vjeç, banues në Malësinë e Madhe; dhe P. B., 35 vjeç, banues në Korçë, të dyshuar për veprën penale “Kalimi i paligjshëm i kufirit shtetëror”.
Një tjetër ngjarje është regjistruar në Pogradec më 04.12.2025, ku shtetasi T. Ç., 48 vjeç, punonjës policie në IEVP Drenovë, kallëzoi se i është vjedhur arma e shërbimit nga banesa e tij, në momentin kur nuk kishte persona të pranishëm. Policia vijon punën për identifikimin dhe kapjen e autorëve.
Po më 04.12.2025, në Korçë, në lagjen nr. 17, në ambientet e një farmacie, ka humbur jetën shtetasi G. Gj., 78 vjeç, ku dyshohet se shkak kanë qenë problemet natyrale shëndetësore.
Materialet procedurale për të gjitha rastet janë referuar në Prokurorinë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
