Një 55 vjeçar nga qyteti i Korçës ka qenë duke drejtuar automjetin në gjendje të dehur dhe përveça kësaj për përplasur dy mjete të tjera të parkuara në rrugë. Menjëherë është bërë arrestimi i tij.
Njoftimi i Policisë;
DVP Korçë/Vihet në pranga 1 shtetas për veprën penale të dëmtimit të automjeteve dhe përdorimit të alkoolit në automjet.
-Specialistët e Trafikut Urban dhe Interurban të DVP Korçë, arrestuan në flagrancë shtetasin R. M., 55 vjeç, banues në Korçë, pasi në lagjen nr. 14, Korçë, ky shtetas duke drejtuar automjetin tip “Benz”, ka përplasur dy automjete të tjera të parkuara në rrugë, duke iu shkaktuar dëme materiale. Pas kryerjes së testit të alkoolit rezultoi se shtetasi R. M., drejtonte automjetin në gjendje të dehur.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
