Drejtoria Vendore e Policisë Korçë njofton për një sërë ngjarjesh të regjistruara në territorin e qytetit dhe rrethinave.
Specialistët e Sektorit të Qarkullimit Rrugor arrestuan në flagrancë shtetasin M. A., 49 vjeç, banues në Maqedoninë e Veriut, pasi u kap duke drejtuar automjetin në gjendje të dehur. Po ashtu, materialet iu referuan Prokurorisë për E. Sh., 24 vjeç, banues në fshatin Shqitas, i cili humbi kontrollin e automjetit në aksin “Korçë–Pogradec”, duke shkaktuar dëmtime të lehta për një pasagjer.
Në kuadër të veprimeve për dhunën në familje, u arrestua E. K., 43 vjeç, banues në Korçë, i dyshuar për dhunë ndaj bashkëshortes, e cila ka marrë urdhër mbrojtjeje.
Po ashtu, Prokuroria ka shpallur në kërkim një 17-vjeçar, i dyshuar për dy vjedhje në qytet, ndërsa po vijon puna për kapjen e tij.
Në Pogradec, më 27.11.2025, në fshatin Vërdovë, një zjarr aksidental në magazinën e M. Xh., 74 vjeç, shkaktoi dëme materiale pa pasoja për njerëzit.
Në PKK Kapshticë u gjet N. Z., 21 vjeç, banues në Korçë, i cili ishte raportuar i humbur nga familjarët për gjashtë muaj. Sipas deklarimeve, ai ishte larguar me dëshirën e tij dhe ndodhej në gjendje të mirë shëndetësore.
Materialet proceduriale janë referuar Prokurorisë për veprime të mëtejshme.
