Nga data 1-7 Korrik të vitit të ardhshëm në Pogradec organizohen garat e Formula One H2O me garat e motorrave të ujit dhe skafeve në liqenin e Pogradecit.
Ditën e sotme përfaqësuesit më të lartë të këtyre garave kanë firmosur kontratën e bashkëpunimit me kryetarin e bashkisë së Pogradecit Ilir Xhakolli.
Për përfaqësuesin e Formula One në Shqipëri Kris Spaho kjo është ngjarja më e madhe sportive dhe turistike që organizohet në vendin tonë.
“Kemi zgjedhur Pogradecin në kulmin e sezonit turistik edhe për lashtësinë e ketij qyteti”. Vetëm pjesëmarrës në garë dhe stafe do të jenë më shumë se 600 vetë ndërkohë që gara do të transmetohen nga televizionet më të njohura të botës.
Një garë si kjo që organizohet në Pogradec, për kryetarin e bashkisë së Pogradecit nuk është një ngjarje e madhe vetëm për këtë qytet por për gjithë Shqipërinë. Ne do bëjmë gjithçka duhet për të plotësuar gjithë kushtet e organizimit të një gare me nivel botëror.
Në 7 ditët e garave do të jenë pjesëmarrës pilotët më të mirë të 43 ekipeve të njohura nga shumë vende të botës, të cilët do të garojnë në dy dispilina, atë të skafeve dhe motorrave të ujit. Për akomodimin e sportistëve, stafeve të tyre, turistëve që pritet të vijnë nga shumë vende të botës, bashkia e Pogradecit ka firmosur marrëveshje akomodimi me shume operatorë turistik të juglindjes së vendit si dhe të Ohrit dhe Strugës
