Prej vitesh në një gjendje problematike me baltë në dimër dhe pluhur në verë, kjo ishte gjendja e rrugës hyrëse në fshatin Ravonik. Por lajmi i mirë është se kjo situatë do të marrë fund së shpejti.
Bashkia e Korçës ka nisur nga puna për rikonstruksionin e plotë të këtij aksi rrugor jetik për qindra familje. Krahas riasfaltimit të saj, rruga do të ketë edhe një trotuar për këmbësorët si edhe do të pajiset me ndriçim. Duket se tashmë ankesat e banorëve të Ravonikut ranë në veshin e duhur pasi Bashkia ka perveshur mëngët për ta përfunduar investimin sa më shpejt.
Postimi i bashkisë Korçë:
Filloi puna për rikonstruksionin e plotë të rrugës hyrëse në fshatin Ravonik.
Një investim i rëndësishëm që përfshin ndërtimin e trotuarëve për këmbësorët, si dhe asfaltimin e sistemimin e rrugës.
