Kandidatja e Partisë Demokratike, Ledina Alolli, përmes një shkrimi në faqen e saj zyrtare të facebook shprehet se edhe qentë endacakë janë të zhgënjyer dhe premton për ta një strehë të re në qytet.
“Të zhgënjyerit në Korçën tonë janë edhe qentë endacakë, të lënë në mëshirë të fatit dhe të destinuar të jenë një kërcënim i vazhdueshëm për fëmijët dhe banorët e qytetit.
Të gjitha kërkesat dhe rastet flagrante janë dërguar kohë pas kohe në bashki dhe reagimi i vetëm ka qenë indiferenca dhe mungesa e ndërhyrjes!
Me të ndryshuar drejtimin e Bashkisë Korçë, një nga hapat e parë që do të ndërmarrim, është që të ngremë një strehëz publike me veterinerë që do të kujdesen për kafshët endacake dhe ku çdo qytetar mund të sjellë ushqim dhe të përkujdeset për ta!”
