Fshati i Linit apo Gadishulli siç e quajnë ndryshe vitet e fundit po avitet që të zhvillojë ndjeshëm turizmin familjar, kjo edhe falë natyrë piktoreske që Zoti dhe natyra i ka falur këtij fshati. Por nëse deri dje banorët e tij nuk e shihnin si mundësi ekonomike turizmin, sot në fshat janë disa shtëpi të kthyera në bujtina që po konkurojnë bindshëm hotelet e Pogradecit.Por ashtu si banorët po investohen në turizëm familjar, bashkë me to lypset edhe nevoja për investime nga ana e qeverisë shqiptare.Lini është pjesë e 100 fshatrave turistikë, porse investimet që janë zbatuar në të janë të pakta. Nga njëra anë kemi bashkinë e cila ja ka dalë të ndërhyjë me shërbimet bazike si pastrimi i fshatit apo bregut të liqenit, vedosjen e ndriçimit rrugor apo zgjidhjen e problemit të furnizimit me ujë e nga ana tjetër kemi qeverinë e cila duhet të fillojë të vërë ujin në zjarr në mënyrë që Lini të kapërcejë në një tjetër fazë zhvillimi të turizmit ashtu si Tushemishti. Një nga nevojat kryesore të fshatit sot janë kanalizimet e ujrave të zeza të cilat ende nuk janë investuar. Sipas informacionit që Kolibri.al ka siguruar tashmë projekti për Linin dhe gjithë Udënishtin është aplikuar pranë qeverisë por ka një vlerë goxha të konsiderueshme në miliona euro e cila nuk mund të përballohet kurrsesi nga buxheti i bashkisë. Megjithatë duket se ka dritë në fund të tunelit, pasi projekti i aplikuar është miratuar dhe pritet që të financohet nga KFW gjermane.Nga ana tjetër ka edhe një tjetër projekt rikualifikimi urban i cili synon një ndërhyrje rrënjësore në këtë fshat që nga infrastruktura, banesat, çatitë, shëtitore dhe rehabilitim bregu të liqenit. Projekt i cili sigurisht kërkon mbështetjen po ashtu të qeverisë.Megjithatë ripërsërisim shprehjen se mund të ketë dritë në fund të tunelit, pasi pak ditë më parë Kryeministri Rama teksa kërkoi rimandatimin e Ilir Xhakollit tha se ky mandat do të jetë i Pogradecit dhe gjasat janë që qeveria të hapë thesin dhe të financojë këto projekte. Megjithatë duhet të presim, ndërsa banorët e Linit duhet të përpiqen ti fshehin këto probleme dhe të vazhdojnë investimet në turizëm duke lënë pas bagëtinë.
KOLIBRI.AL
