Kanë rinisur gërmimet arkeologjike në Lin të Pogradecit, një nga vendbanimet më të vjetra në Europë.
Në këtë fazë të radhës arkeologët po gërmojnë në tokë pasi vendbanimi ka patur shtrirje të gjerë.
Një nga pikëpyetjet që po tentohet ti jepet përgjigje është largimi i popullatës pasi aktiviteti jetësor aty është zhvilluar vetëm 2000 vite e më pas mendohet të jenë larguar drejt Europës
Albert Hafner
Arkeolog
“Ajo që sot dihet për siguri është se jeta në Lin nisi 6000 vite para Krishtit dhe kemi të paktën 2000 vite jetë aktive, e më pas jeta është ndaluar për arsye që ende nuk dihen. Kjo konfirmon atë qw kemi thënë, se nuk kemi vetëm një moment kur ky vend ka qenë i populluar, por këtu ka patur shtrirje në kohë. Do të thoja se pikturë me e madhe është se po fillojme të lidhim historinë, tipe të tilla janë gjetur edhe Itali, Kroaci por këtu janë më të vjetra e mendohet që gjithçka të ketë patur pikënisjen në Lin’
Teksa paralelisht gërmimet vazhdojnë e do të duhen vite të tjera për përfundimin e tyre, arkeogolu i njohur shqiptar Adrian Anastasi bën thirrje institucioneve shtetërore për ngritjen e formave konceptuale, ku t’u vihet në ndihmë turistëve të huaj. Në të njëjtën linjë shkon dhe ambasadorja zvicerane, e cila tregon se nga ky vend drejt Linit turistët janë të shumtë.
Adrian Anastasi
“Padiskutim që Lini është thesar i madh, jo domosdoshmerisht krijojmë muze por forma muzeale të jenë të aksesueshme për turistët. Ndoshta është thirrje që institucionet që e kanë për detyrë të merren me muze të nisin ti ndërtojnë në pikëpamje konceptuale”
Ruth Huber
Ambassadore E Zvicrës në Shqipëri
“Është interesante të shohësh si shkojnë punët në Lin, studentet qe kane ardhur. Historia tregon një Shqipëri shumë të vjetër. Ka shumë turistë zvicerane we po vijnë në Lin këtu pamje është fantastike për ta, po mësojmë për historinë e palafiteve, ka interes të madh për ata”
Vendbanimi palafit i Linit u konfirmua vitin e kaluar zyrtarisht se është vendbanimi më i vjetër në Europë, plot 8000 vjeçar.
