I fshehur mes majave të larta të malit të Gramozit në Kolonjë, në një lartësi prej 2400 metrash, ndodhet një prej perlave natyrore më mbresëlënëse të Shqipërisë – liqeni akullnajor i Gramozit.
Me sipërfaqe rreth 0,4 hektarë dhe formë elipsi, ai ofron një panoramë magjepsëse, veçanërisht në dimër, kur shndërrohet në një sipërfaqe të ngrirë mes pyjeve dhe bimësisë së pasur.
I vlerësuar si destinacion i veçantë për turistët vendas e të huaj, liqeni është një pikë e preferuar për alpinistët dhe dashamirësit e ecjeve malore, të cilët ndjekin itinerarin Ersekë – fshati Starje – liqeni i Gramozit për të shijuar këtë mrekulli natyrore.
