Të gjithë mjekët betohen mbi Hipokratin, por të pakët janë ata të cilët besojnë fort se ky betim duhet zbatuar me korrektësi në komunitetin ku ti jeton. Ndër shumë mjekë të respektuar në juglindje të vendit vlen për tu veçuar edhe Sofokli Leka. Edhe pse sot është 70 vjeç, vitet për të janë thjeshtë numra për sa kohë ai vazhdon të ushtrojë me shumë pasion dhe zemër të madhe shërbimin mjekësor për komunitetet në Pojan e Kreshpanj.
Sofokliu ka shërbyer për gati 30 vite në Pustec dhe tashmë është zhvendosur në këtë zonë të Maliqit ai thotë se nuk njeh lodhje apo mërzi, veçse rinohet edhe më shumë kur merr rezultate të mira kur i shërben komunitetit që ka nevojë për të.
Gjithë jetën e tij ka shërbyer brenda vendit ndaj nisur edhe nga largimet e shumta që ndodhin në radhët e mjekve të rinj Sofokliu thotë:
Shërbeni për vendi tuaj, shërbejini komunitetit tuaj, sepse kështu do të merrni realisht kënaqësinë e kësaj pune.
Sofokliu është i papërtuar krahas vizitivae në qendër shëndetësore, atë e sheh në shumë raste të shërbejë edhe në banesa për pensionistët që nuk mund të lëvizin. Sofokliu dhe shumë mjekë e infermierë të tillë meritojnë plotësisht respektin e komunitetit dhe mirënjohjen e institucioneve.
