Pas punës së lodhshme të sezonit dhe korrjes së grurit, fermerët në fshatin Drithas të qytetit të Maliqit festojnë “Bukën e re”.
Bashkia Maliq në bashkëpunim me njësinë administrative Libonik dhe pallatin e kulturës “Dhimitër Orgocka” organizojnë aktivitet për këtë festë tradicionale.
Sot, më 9 gusht, ora 18:³⁰, te sheshi i fshatit Drithas do të ketë koncert, ku i ftuar special do të jetë këngëtari Dule Malindi.
Në fshatin Libonik është bërë traditë festa e korrjes së grurit, si një ngjarje që sjell gëzimin e bukës së re dhe prodhimit të mbarë. Kjo festë shoqërohet me panaire të varieteteve të ndryshme të brumit, nën tingujt e serenatave korçare dhe valleve tradicionale.
Festa e “Bukës se Re” synon nxitjen e fermerëve të kultivojnë kulturën bazë, atë të grurit, si një nga burimet me te rëndësishme ekonomike të banoreve të fushës se Maliqit.
Maliqi është një nga zonat me te njohura ne juglindje për prodhimin e grurit ku sipërfaqet e mbjella me ketë kulture bujqësore arrijnë deri ne 3200 hektarë.
