4 shkolla nëntëvjeçare në qytetin e Korçës janë tashmë të pajisura me laboratorë smart ndërsa në fazën e dytë në këtë projekt do të përfshihen edhe 3 shkolla të tjera. Zgjerimi i njohurive të nxënësve në fushën e teknologjisë, inovacionit dhe inteligjencës artificiale është qëllimi kryesor i këtyre laboratorëve të cilët në të gjithë vendin do të përfshijnë më shumë se 2000 nxënës dhe 140 mësues. Shtrirja e laboratorëve të inteligjencës artificiale, në fazën e dytë të këtij projekti, është bërë e ditur nga ministrja e Arsimit dhe Sportit, Ogerta Manastirliu, gjatë një ndalese në një gjimnaz të Tiranës:
Projekti i laboratorëve të inteligjencës artificiale për të rinjtë, po implementohet në kuadër të politikave të qeverisë shqiptare, Ministrisë së Arsimit, në bashkëpunim me Fondacionin Shqiptaro-Amerikan për Zhvillim dhe Intel Corporation, nga i cili përfitojnë nxënës të grupmoshës nga 13-19 vjeç.
