Duket se nuk do të jetë një dimër i thjeshtë për familjen Hamzallari në Pogradec në këto ditë të ftohta. Sipas njoftimit nga MZSH Pogradec ngjarja ka ndodhur në lagjen numër katër të qytetit mbrëmjen e djeshme. Kur dhoma e ndenjes së shtetasit N. Hamzallari është përfshirë nga flakët duke djegur 90% të orendive shtëpiake.
Ndërhyrja në kohë e zjarrfikësve ka shpëtuar pjesë tjetër të banesës e cila rrezikoi të shkrumbohej. Dyshimet e para janë se e gjithë situata ëshë shkaktuar nga oxhaku i banesës pasi dyshohet që të mos ishte pastruar nga bloza e cila ka marrë flakë.
Në banesë ditën e sotme kanë shkuat edhe specialistët e emergjencave civile për të parë dëmet e shkaktuara dhe zhdëmtimin më pas të familjes. Ndërkohë që deri në këtë zgjidhje familajrët duhet të qëndrojnë me qera ose tek të afërm. Fatmirësisht nga e gjithë situata nuk pati të lënduar në njerëz.
