Ornela Zuko, nëna e 20-vjeçarit Joan Zuko i cili humbi jetën së fundmi, ka reaguar përmes një mesazhi në rrjetet sociale për të shprehur dhimbjen e thellë të familjes.
Përmes rreshtave të saj, ajo ka theksuar se humbja e të birit në lule të rinisë “na la një boshllëk që asgjë nuk e mbush”. Ky reagim vjen në ditët më të vështira për familjen, e cila po përballet me mungesën e parakohshme të të riut.
Krahas dhimbjes së papërshkrueshme, nëna e Joanit ka gjetur forcën për të falënderuar të gjithë personat që u kanë qëndruar pranë. Ajo shprehu mirënjohjen për mbështetjen e marrë nga të gjithë ata që i gjendën familjes në këto momente tragjike.
