Situata në Veri të Kosovës po tensionohet gjithnjë e më shumë. Humbjet e jetëve nga të dyja palët ditën e sotme kanë qenë shqetësuese. Një polic kosovar është vrarë në detyrë dhe 8 terroristë serbë kanë vdekur nga ana tjetër.
Mbi këtë situatë ka reaguar dhe Ministri i Mbrojtjes, Niko Peleshi, i cili shprehet i shqetësuar mbi humbjen e policit dhe se përgjegjësit e kësaj situate duhet të dënohen.
Statusi në facebook;
Dënojmë me forcë sulmin në Veri të Kosovës, në afërsi të Banjskës! Ngushëllime familjes dhe kolegëve të oficerit të Policisë së Kosovës që humbi jetën në krye të detyrës! Shërim të shpejtë efektivit që mbeti i plagosur!
Përgjegjësit e kësaj ngjarje të rëndë, duhet të marrin ndëshkimin më të fortë!
