Moviola e Partizani – Skënderbeu/ Vendime të drejta, por i kuqi mund te kursehej

Ndeshja e djeshme Partizani-Skënderbeu e gjykuar nga kryesori Ermis Çelaj, debutues në Kategorinë Superiore, pati disa momente të dyshimta. Gjyqtari duket strikt në vendimet e tij, teksa dyshimi i vetëm është tek i verdhi i dytë i Rabiut.

33’ Skënderbeu kërkon penallti për prekje të topit me dorë nga Mba pas harkimit nga këndi, por nuk është i këtij mendimi gjyqtari. Loja vazhdon normalisht. Vendim i drejtë i kryesorit, pasi ndërhyrja e nigerianit duket e pastër.

40’ Top i gjatë drejt gjysmëfushës së boshatisur të Skënderbeut, me Ramos, që e devijon topin me pjesën e krahut dhe arbitri ndalon lojën. Mbrojtësi i Skënderbeut ndëshkohet me karton të verdhë, teksa në kampin rival kërkojnë të kuq si lojtar i fundit. Vendim i drejtë i gjyqtarit Çelaj, pasi Partizani nuk e kishte topin në zotërim dhe prekja e topit me dorë ndodhi nga një distancë shumë e largët me portën.

 

58’ Nikaj rrëzohet në zonë në një duel me Buxhelajn dhe kërkon penallti. Gjyqtari vijon lojën dhe të njëjtën gjë vendos edhe pas konsultimit me VAR-in. Duket vendim i drejtë, teksa edhe ndërhyrja duket të ketë ndodhur jashtë zonës.

 

85’ Rabiu merr të verdhin e dytë dhe përjashtohet.