Sipas operatorëve turistikë rezervimet të hoteleve vijnë nga grupet e turistëve të cilët i përkasin Europës Perëndimore.
Gjermantët, polakët dhe çekët janë turistët që më së shumti takon përgjatë kësaj kohe në qytetin liqenor . Ata zgjedhin të vizitojnë Pogradecin këtë stinë për shkak të qetësisë që ai fal.
“Jam nga Republika Çeke. Kemi ardhur me avion, kemi marrë një makinë me qira dhe duam të eksplorojmë Shqipërinë. E kemi nisur nga Pogradeci, pastaj në Tiranë. Nga Tirana kemi ardhur në Pogradec për të parë liqenin dhe bukuritë natyrore. Me pas do të shkojmë në Gjirokastër. Ajo që na tërheq është qetësia“- u shpreh njëri prej tyre.
“Nuk e prisnim këtë lloj turizmi në Shqipëri. Pushimet po shkojnë kaq mirë, ka qetësi, çmimet janë shumë të lira, njerëzit shumë mikpritës. Kishim dëgjuar që Pogradeci është plot në verë dhe zgjodhëm të vinim tani në vjeshtë. Është perfekte”– tha një tjetër.
Turistët e huaj sipas Gani Bego i cili punon si guidë turistike, kërkojnë më së tepërmi ecjen në natyrë dhe pedalimin me biçikletë.
Sipas të dhënave zyrtare përgjatë periudhës Janar-Gusht 2024 në Pogradec janë akomoduar 95.800 vizitorë, afro 10 mijë vizitorë më tepër se e njëjta periudhë e vitit 2023.
