Një figurë e shquar e Medias Shqiptare
Vërtet që këllqet e mia nuk e mbajnë peshën e fjalëve që duhen thënë për Muharrem Mekon , të këtij dishepulli të fjalës së lirë mediatike , por edhe shenjtorit të shpirtit human të njerëzillëkut që rrezaton kulturën e gjithanshme si përfaqësuesi i një krahine siç është Kolonja , kjo krahinë me famë në histori , me njerëz të mëdhenj që kanë qënë boshti qëndror në fatet e Atdheut dhe Kombit Shqiptar dhe kjo krahinë po “ta shtrydhësh në çdo cep e skaj pikon gjak trimërie dhe dritë diturie” për Atdhe dhe Komb .
Muharrem Mekon për fatin tim të mirë e njoh realisht dhe “profecia ime” kishte qënë po e njëjtë edhe kur e njihja virtualisht prej leximeve që mbanin emrin e Tij “Muharrem Meko” dhe më jepnin një ndjesi të veçantë për objektivitetin me të cilat trajtonte tematikat e shkrimeve të tij në organet e shtypit të përditshëm , ku kompromisi i tij ishte vetëm me të vërtetën dhe vetëm me të vërtetën .
Epo ky nuk është kot Muharrem Meko , ish gazetari i shquar , ky zëdhënës i mendimit dhe i shqetësimit qytetar që falë paanshmërisë dhe objektivitetit në gjykim dhe trajtim të problemeve dhe dukurive të kohës arriti të bëhej një misionar i medias së shkruar .
Pavarësisht situatave të vështira , presioneve psikologjike dhe pse jo atyre fizike , Muharrem Meko nuk bëri kompromis me të keqen , me shtrembërimin e fakteve për t’u bërë bashkëfajtor me falangat e pushtetit të uzurpuar nga ata që sot bërtasin që nga ballkoni se “u janë shkelur liritë dhe të drejtat” kur vetë kanë ushtruar dhunë të pashembullt ndaj mendimit kundër , ndaj kundërshtarëve !
Po nejse , “të shkuara të harruara” do të thoshin të mençmit dikur , por… “por e keqja më e hidhur është kur këtë të keqe ta shkakton yti që e ke mbështetur në ditë të vështira e ky yti janë këta 99-at e mbirë si kërpudhat që janë vetëquajtur ‘rilindas’ dhe po sillen si sheikët e botës Arabe me haremet që kanë krijuar në çdo sektor të qeverisjes” e me këtë gjëndje skandalose nuk është kurrsesi Drejtori Muharrem Meko .
Ndokush do të çuditet me “gradën Drejtor” që i thuhet Muharrem Mekos , por mos u çudisni o të çuditur se , Muharrem Mekua e meriton dhe e nderon pozicionin e Drejtorit , sepse gjatë drejtimit të RT KORÇË mundi ta sillte këtë institucion mediatik në parametrat më bashkëkohore , e ktheu RT KORÇA në një mjedis modern e të paanshëm ku sejcili individ apo grupim politik , njeri i thjeshtë apo funksio ar i lartë shteti kishte të njëjtat preferenca , pa bërë dallim dhe pa pasur privilegje shtesë krahasuar me të tjerët .
Kjo ndodhte , sepse Drejtori Muharrem Meko ishe parimor , ishte Njeri vlerash dhe vyrtytesh , ishte Drejtor që kishte si devizë shprehjen popullore “kundërshtar a vëlla , por qesja në mes” , prandaj edhe sot kur nuk ka atributet funksionale të të qënit drejtor , respektet dhe vlerësimet për Muharrem Mekon janë të njëjta , madje , madje edhe më të larta prej ish punojësve të kësaj media , por edhe nga njerëz të ndryshëm prej të gjitha bindjeve e besimeve .
Kjo ndodh , ngaqë Drejtor Muharrem Meko nuk ka qënë “qibar” , nuk ka qënë shpërfillës ndaj askujt , prandaj askush nuk flet keq për Drejtorin , ndaj të gjithë e nderojnë dhe e vlerësojnë .
Edhe unë në këtë përvjetor të ditëlindjes së Drejtor Muharremit i shpreh urimet më të mira :
Jetë sa më të gjatë , plot shëndet dhe çdo mirësi në familje !
E në fund po e shoqëroj me këto vargje :
O gjigand , dhe 100 po të them ,
Mua prap më duken shumë pak ,
E di , jeta edhe pa para nuk vlen ,
Po as unë nuk kam çfarë të jap .
Prandaj prano prej meje urime .
Unë vetëm urime kam e mund ,
Të dëshiroj në jetë veç gëzime ,
Dollinë po ta ngrej e pi me fund !
Urime Drejtor Muharrem Meko !
