Në shërbimin spitalor dhe qendrat shëndetësore të qarkut të Korçës mungojnë mjekët logopedistë.
Një gjë e tillë ka sjellë vështirësi të shumta për familjarët e fëmijëve me aftësi të kufizuara.
Alesia Filipi është mjekja e vetme e liçensuar në fushën e logopedisë dhe punon në shkolla speciale e qytetit të Korçës.
Ajo thotë se kjo kategori fëmijësh e jo vetëm kanë shumë nevojë për mjek te këtij specialiteti duke filluar së pari nga mosha 0-6 vjeç por e më tej. Ndaj sipas saj mjek logopedistë duhet të ketë spitali i Korçës por dhe ata bashkiake për të ardhur tek të gjitha qendrat shëndetësore.
Kristi Ndini është Nënë e një fëmije me probleme të aparatit folës. Ajo tha se mungesa e mjekëve logopedistë është kosto e shtuar për të dhe prindërit e tjerë.
Burime zyrtare bëjnë të ditur se vetëm në qytetin e Korçës 200 fëmijë kanë nevojë për shërbimin e mjekëve logopedë, pa thënë se për këtë shërbim kanë nevojë edhe shumë fëmijë të tjerë të cilët prindërit nuk i kanë regjistruar pranë institucioneve shtetërore përfshi dhe ato të shërbimit mjekësor
