Një itenerar turistik në Rajonin Juglindor i publikuar në revistën “Shqipëria Turistike” botuar nga Shoqëria Anonime e Lundrimit “Adriatica” në Venecia, viti 1937. Materialet janë përgatitur nga Bordi Komëtar i Turizmit, ku bënte pjesë dhe arkeologu italian Luigi Ugolini:
“Corizza (Korça)-Kryeqendër krahine, me 25.000 banorë. Qyteti shtrihet në një fushë pjellore, rreth 800 m mbi nivelin e detit, i rrethuar nga male të larta. Korça është qyteti më modern në Shqipëri për shkak të planimeve të rregullta dhe ndërtesave të bukura. Aktualisht me fabrikat e saj të tapetit, shkrepseve etj, dhe mullinjtë, është qendra më e rëndësishme tregtare dhe industriale në Shqipërinë e Jugut. Atraksionet kryesore të qytetit janë: Katedralja e Zojës, Kisha e Shën Gjergjit, Xhamia Hoxha Mirahor Ilias Beu dhe Pazari.
Rrethinat e Korçës, Dardhës dhe Voskopojës janë vendpushime shëndetësore me rëndësi parësore dhe destinacione të rekomanduara turistike. Rruga nga Korça për në Voskopojë është shumë piktoreske. Jo shumë larg ndodhet Pogradezi (Pogradeci), në liqenin e Ohrit, me verëra dhe peshk të shkëlqyer. Një tjetër ekskursion mund të bëhet në ishullin S.Paolo, në liqenin e Prespës.”
Fotoja 1: “Pamje e Pogradecit nga kalaja” nga fotografi pogradecar Misto Cici, vitet ´30.
Fotoja 2) “Korça. Panorama e qytetit” nga fotografi francez Paul Dubray, shkurt 1917.
Koleksion i Shoqërisë Aksionare “Adriatic Navigation”, Milano.
Nga Ledjan Zeqollari
