Vetëm 12 km larg nga qendra e Bilishtit banorët e fshatit Shuec jetojnë pa shërbimet më minimale, prej më shumë se 10 vitesh në këtë fshat nuk ka një infermier për vizita shëndetësore.Banorët thonë se tashmë janë mësuar me këtë situatë, kur sëmuren marrin taksi drejt Bilishtit ose pijnë ndonjë ilaç që kanë në shtëpi. Aq sa vajzat e martuara të fshatit detyrohen tl vijnë periodikisht për t’iu mundësuar vizitat prindërve.Një tjetër banor thotë se qëkur vdiq Enveri, shëndetësinë dhe arsimin i mori lumi.Vite më parë në fshat ka pasur mjek dhe infermier, por me ndryshimet ligjore ata janë hequr me arsyetimin se nuk plotësohet numri i popullsisë për të pasur infermier në fshat.
