Këtë të enjte u zhvillua seanca paraprake në GJKKO për kryetarin e Bashkisë Devoll, Eduard Duro, i akuzuar për “shpërdorim detyre” nga Prokuroria e Posaçme.
Të gjithë të pandehurit, përmes avokatëve të tyre, kanë kërkuar pushimin e çështjes, me argumentin se fakti penal nuk ekziston. Seanca u shty për të premten e ardhshme, më 24 janar, ku avokati i Eduard Duros do paraqesë disa dokumente, e më pas Gjykata e Posaçme do shpallë vendimin për kalimin e dosjes për gjyq.
Hetimet për Duros u mbyllën një muaj më parë nga SPAK, ku kryebashkiaku socialist u mor i pandehur për akuzën “shpërdorim detyre” për dhënien e lejes së një pike karburanti që ishte ndërtim pa leje.
