Nesër luhen ndeshjet e fundit të kampionateve kombëtare për femra e meshkuj, për të vijuar me pas me takimet e playoff çerekfinal dhe gjysmëfinal.
Skënderbeu për meshkuj e femra luan në Korçë me ekipet e Tiranës, ndeshje që nuk janë përcaktuese për vendet e skuadrave korçare.
Kjo e për atë sepse femrat kanë siguruar tashmë vendin e parë dhe meshkujt të dytin, çka do të thotë se pas këtyre dy takimeve pushojnë pak për të pritur përfundimin e ndeshjeve çerekfinale të playoff, prej nga do të dalin ky ekipe që bashkangjiten dy skuadrave të para për meshkuj e femra që do të luajnë takimet gjysmëfinale prej nga do dalin dy skuadrat finaliste.
Për femra, Skënderbeu shihet si skuadra favorite e titullit ndërsa për meshkujt me atë çfarë ka treguar gjatë sezonit, ka gjasa të jetë Partizani.
Për femra më shumë se për meshkuj ndeshja e së premtes në Korçë pritet me mjaft interes edhe për atë hakmarrje që presin sportdashësit korçarë ndaj Tiranës që ka fituar Kupën e Shqipërisë në shtëpinë e skuadrës së trajnerit Orlando Koja.
Për këtë, Koja por e vajzat e rrjetës korçare kanë kërkuar mbështetjen e tifozerise korçare.
