Operatori i Shpërndarjes së Energjisë Elektrike (OSHEE) ka njoftuar se duke filluar nga 1 shkurti 2025, do të zbatohet një skemë e re tarifimi për të gjithë konsumatorët familjarë. Sipas njoftimit, çmimi i energjisë do të bazohet në nivelin e konsumit mujor të abonentëve.
Konkretisht, tarifat do të jenë si më poshtë:
8.5 lekë/kWh (pa TVSH) për konsum deri në 700 kWh në muaj.
9.5 lekë/kWh (pa TVSH) për konsum mbi 700 kWh në muaj.
Ky ndryshim do të pasqyrohet në faturën e muajit shkurt 2025, e cila do të shpërndahet dhe mbërrijë në banesat e abonentëve në fillim të marsit.
Qëllimi i skemës së re është të optimizojë përdorimin e energjisë elektrike dhe të përshtatë tarifimin me nevojat e konsumatorëve, duke ruajtur një balancë mes konsumit dhe kostove të prodhimit dhe shpërndarjes së energjisë.
Për më shumë informacion, qytetarët mund të konsultojnë njoftimet zyrtare të OSHEE ose të kontaktojnë qendrat e shërbimit të klientit.
