Ngjarje e rëndë në aksin rrugor Korçë – Bilisht, ngjarje e cila ka ndodhur në një pikë karburanti.
Sipas policisë drejtuesi i mjetit se bashku me të birin kanë hyrë në pikën e karburantit për të furnizuar mjetin e tyre me gaz por në momentin që mjeti furnizohej me gas drejtuesi i mjetit ka ndezur një cigare duke shkelur rëndë rregullat e furnizimit, duke shkaktuar përfshirjen e mjetit nga flakët.
Kanë qenë persona të tjerë përfshi dhe punojës të karburantit që e kanë shtyrë mjetin në anën tjetër të rrugës duke e hedhur në kanal për të shmangur kështu një ngjarje shumë më të rëndë.
Nga flakët janë përfshirë babe e bir e janë dërguar me urgjence ne spitalin e Korçës.
Burime pranë këtij spitali bëjnë me dije se gjendja është e rëndë për shkak të djegieve të shumta por nga ana e spitalit nuk bëhet me dije gjendja e tyre jetësore.
Policia në vendin e ngjarjes po heton për shkaqet e përfshirjes së mjetit nga flakët
