Niça është një fshat në Malësinë Pogradecit i banuar kryesisht nga vllehët. Nga 12 Kisha e 5 ura shekullore, atje kanë mbetur vetëm dy monumente që rrezikohen të nga mungesa e ndërhyrjeve. Dikur me 15 mijë banorë, sot kanë mbetur vetem 15 familje.
Sot këmbana bie vetëm në njërën prej tyre që ka mbetur në këmbë.
Në derë mban shënimin “Monument Kulture”, por dorën mbrojtesë të institucioneve se ka parë kurrë përveçse 2 ndërhyrjeve me paratë e banorëve të zonës. Ikonat dhe muralet origjinale të kishës më shumë se 300 vjeçare po shkatërrohen.
“Një pjesë ka rënë dhe një pjesë është gati. Nëse vazhdon edhe disa vjet do të zhduket. Mund t’i shpëtojë vetëm një ndërhyrje e specializuar.”
Kisha nuk pret kur del fondi. Në të njëjtë gjendje është edhe një urë me qemer që vlerësohet të jetë rreth 320 vjeçare. Është e vetmja që i ka mbijetuar kohës nga 5 të tilla që ka pasur fshati.
“Katastrofë historike, kulturore dhe trashëgimore. Faktorët natyrore e kanë dhënë efektin e tyre, duke rrëzuar pjesë të urës, që tashmë rrezikohet e gjitha.”
U tregua një projekt në Ministrinë e Kulturës dhe u tha se do të ndërhyhet në mënyrë urgjente por asgjë nuk është bërë dhe asgjë nuk ka ndërmend të bëhet siç duket.
Niça e Pogradecit, e banuar kryesisht nga vllehët dikur përllogaritet se kishte 3 mijë shtëpi dhe rreth 15 mijë banorë. Sot kanë mbetur vetem 15 familje.
