Fluks i lartë në doganën e Qafë Thanës siç shihet në pamje janë me dhjetra mjeteve që presin për të hyrë në Shqipëri nga Maqedonia e Veriut.
Mbrëmjen e sotme për më tepër se dy orë mjetet janë ndeshur me vonesa, pasi në pikën me 1 ndalesë pala maqedonase operon me numër të reduktuar punonjësish.
Sipas të dhënave të marra nga kjo doganë, të dyja palët punojnë me vetëm 2 sportele, si ajo maqedonase dhe ajo shqiptare. Por problemi aktualisht qëndron tek pala maqedonase e cila nuk ofron burimet njerzore të duhura për të përballuar fluksin. Në raste të tilla duhet të kalohet me proces të përshpejtuar por kjo nuk ka ndodhur.
Krishtlindja dhe Viti i Ri janë arsyeja që shqiptarët po vijnë nga doganat e juglindjes drejt vendit të tyre ndërsa pritet që në ditët vijuese të ketë fluks jo vetëm në Qafë Thanë por edhe në doganën e Kapshticës.
