Pas më shumë se dy dekadash pritjeje, ka nisur zyrtarisht ndërtimi i Muzeut të Dritëro Agollit në Devoll, një projekt me rëndësi të veçantë për trashëgiminë kulturore dhe letrare shqiptare.
Muzeu do të jetë një hapësirë dedikuar jetës, krijimtarisë dhe figurës së shkrimtarit të madh, duke shërbyer si pikë referimi për studiues, adhurues të letërsisë dhe brezat e rinj. Ai pritet të kthehet në një destinacion kulturor me vlerë për qytetin e Devollit dhe më gjerë, duke mbajtur gjallë kujtimin dhe kontributin e Dritëro Agollit në letërsinë shqipe.
Realizimi i këtij projekti po bëhet i mundur falë bashkëpunimit mes Bashkisë Devoll, Këshillit të Qarkut Korçë dhe institucioneve të tjera vendore, të cilat e konsiderojnë këtë si një akt simbolik respekti për një prej figurave më përfaqësuese të letrave shqipe.
Ndërtimi i muzeut shënon një moment të rëndësishëm për komunitetin, që prej vitesh ka kërkuar një vend për të përkujtuar dhe nderuar figurën e Dritëro Agollit, bir i Devollit dhe zë i fuqishëm i kulturës kombëtare.
