Pranë shkollës 9-vjeçare “Stavri Themeli” në Korçë kanë nisur stërvitjet e volejbollit për vajza dhe djem të moshave 10-15 vjeç. Iniciativa është marrë nga trajneri Gentian Suleman, i cili synon të zbulojë talente të reja dhe t’i ndihmojë ata të zhvillohen si sportistë, me qëllimin për të forcuar ekipet elitare të qytetit.
Trajneri Suleman shprehet se përfshirja në sport ndihmon të rinjtë të zhvillojnë disiplinë, aftësi bashkëpunimi dhe një stil jetese aktiv. Stërvitjet ofrohen falas, duke krijuar mundësi për çdo fëmijë të apasionuar pas këtij sporti që të angazhohet në kushte optimale.
Kjo nismë synon të mbështesë traditën sportive të shkollës dhe të afrojë të rinjtë me aktivitetet fizike, duke nxitur një brez të ri sportistësh me perspektivë.
