Në ambientet e gjimnazit “14 Engjëjt” u shfaq filmi i realizuar nga disa prej nxënësve të shkollës, në kuadër të praktikave rinore, nën drejtimin e nxënësit Dorjan Allko.
Ky krijim artistik trajton temën e bullizmit – një nga sfidat më të mëdha me të cilat përballen të rinjtë sot. Përmes një rrëfimi të ndjeshëm dhe mesazheve të forta, filmi fton shikuesit të reflektojnë mbi ndikimin e bullizmit në jetën e të rinjve dhe rëndësinë e mbështetjes që ofrohet nga familja, shkolla dhe shoqëria.
Si produkt i parë i këtij grupi të talentuar, filmi synon të përcjellë emocione të forta dhe një mesazh frymëzues për të gjithë: se pavarësisht vështirësive, jeta fiton kuptim përmes dashurisë, pranimit dhe bashkëjetesës harmonike.
