Olsi Ziso është i riu nga Maliqi që vendosi për t’u bërë zjarrfikës, një punë e vështirë, sidomos në periudhën e verës.
Prej 5 ditësh, 26 vjeçarit i duhet të luftojë me flakët në malin e Bodesë, duke rrezikuar jetën e qënë larg familjes.
“Zjarrfikësi nuk ka kohë, kohë, shi, diell dëborë. Je ne terren. Kur kërkohet ndihma e zjarrifikesit, kemi 4 ditë larg familjes, veprojmë që në orët e para të mëngjesit dhe e mbyllim në orën 8. Japim maksimumin, çunat e zjarrifikses, por terrenet e vështira. Era e fortë. Është e pamundur ta vendosesh në kontroll”.
Por a vlerësohet sot figura e zjarrfikësit?
“Për zjarrfikësit duhet bërë me tepër, me terrene që shkojmë përditë. Presim të ndryshoje akoma. Zjarrfikësja ku ka qenë më parë e ku është sot, është shumë më ndryshe por presim të bëhet akoma më mirë, sepse terrent e vështira e bëjnë të pamundurën ndërhyrjen e zjarrfikses ”
Kënaqësia që i riu merr është momenti kur ai jep ndihmë për komunitetin.
“Kënaqësia e një zjarrfikësi është nga momenti kur shkon për ndihmë, kur sheh njerëzit në momentin më të vështirë, ti jep ndihmën e parë, pothuajse i shpëton pasurinë që i digjet”
Olsi është shembulli i të riut i cili zgjedh të qëndrojë në Shqipëri, pavarësisht vështirësive, e aq më tepër, zgjedh të jetë aty kur të tjerët kanë nevojë.
