Maliq – Shërbimet e Komisariatit të Policisë Maliq, në kuadër të kontrolleve intensive dhe veprimeve të mbështetura në inteligjencën policore, kanë finalizuar me sukses operacionin e koduar “Kolaneci”, për goditjen e një rasti të armëmbajtjes pa leje.
Gjatë kontrollit të ushtruar në ambientet pranë banesës së një shtetasi në fshatin Kolanec, Policia gjeti dhe sekuestroi dy armë zjarri, një kallashnikov dhe një pushkë, që mbaheshin në mënyrë të paligjshme.
Në përfundim të operacionit, u arrestua në flagrancë shtetasi J. D., 64 vjeç, banues në Kolanec, i dyshuar për veprën penale “Mbajtja pa leje e armëve, armëve shpërthyese dhe e municionit”.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme ligjore.
Policia e Shtetit vijon punën pa ndërprerje për goditjen e paligjshmërive, në çdo cep të vendit.
